LibreOffice
| Bruksområder | |
|---|---|
| Programpakke til kontorstøtte | |
| Kort om programmet | |
| Hjemmeside | http://www.libreoffice.org |
| Lisens | LGPL v3 |
| Tilsvarende program | Microsoft Office, WordPerfect Office |
| Tilgjengelige plattformer | WinLinuxMac OS |
| Pakket av IT-avdelingen | WinLinuxMac OS |
Ein fri kontorpakke
LibreOffice er ein fri (open og gratis) kontorpakke omsett til bokmål, nynorsk og mange andre språk. Den finst til Windows, Mac og Linux og er eit reelt alternativ til Microsoft Office og Apple iWork. LibreOffice byggjer på OpenOffice.org.
LibreOffice.org blir installert av IT-avdelinga på "klientdrifta" datamaskiner med Linux og Windows
Dei norske omsetjingane (opprinneleg for OpenOffice.org) er finansierte av stiftinga Åpne kontorprogram på norsk, som er eit samarbeid mellom fleire kommunar og fylkeskommunar, Skolelinux og Norwegian Unix User Group.
LibreOffice.org lagrar som standard i OpenDocument Format, ODF.
LibreOffice er uavhengig av plattform
Dette har ei rad fordeler. Mellom anna vil det seie at alle programma i LibreOffice.org verker på same måten anten du nyttar GNU/Linux, *BSD, Mac OS X eller Windows. Det legg òg nokre føringar på korleis programmet er laga.
Til dømes er det ikkje råd å integrere funksjonar for utskrift like tett i operativsystemet sine funksjonar som Microsoft kan med sine Office-program på Windows. Dette fører mellom anna til at dei fleste instillingane om utskrift er samla under menypunktet Format => Side ..., slik at det vert likt på alle plattformer. Det er altså her du kan velje sideretning og sideformat.
Laste ned
http://www.libreffice.org/download
Hjelp
Du kan finne mykje hjelp på http://www.libreoffice.org/get-help/
Delprogram
LibreOffice.org er sett saman av ulike delprogram. Les om nokre av desse her.
Writer
Dette er programmet for å skrive tekst. Det har stort sett alle dei funksjonane som er relevante for bruk på eit kontor, til dømes brevfletting og malar.
PDF-filer kan også importerast og redigerast i LibreOffice Writer.
Litteraturreferansar er det innebygd funksjonalitet for i LibreOffice.
Draw
LibreOffice har eit godt teikneprogram for vektorteikningar. I Draw kan du også redigere PDF-filer og SVG-filer.
Impress
Dette er eit verkty for å lage presentasjonar for skjerm, prosjektør eller verdsveven. Det er litt annleis å arbeide med Impress enn å arbeide med til dømes PowerPoint. Men du vil normalt finne dei funksjonane du treng.
